Davao City – Mamahimong masilotan pinaagi sa gidusong ordinansa ang mga magpataka’g labay sa mga ginamit na nga mga face masks dinhi sa dakbayan sa Davao.
Sa interbyu sa RMN Davao kang Committee on Health chair sa 19th City Council Councilor Mary Joselle Villafuerte, tungod ang face mask highly contagious diin pwedeng dinhi makuha ang kagaw o virus angay kining i-dispose og tarong aron mapugngan ang pagkaylap sa COVID-19.
“Because there are lots of reports na naay makit-an nga mga face masks nga gilabay lang bisan asa sa side walk, sa mga parks nato, sa mga public places. We want to discourage ang mga pagbuhat ana, not only because it’s a garbage problem but you know COVID is highly contagious,” segun ni Villafuerte.
Tungod delikado sa panglawas ang mga nagamit na nga masks, sa giduso nga ordinansa angayang batasanon sa sulod sa panimalay nga usa ilabay ang mga used face mask ihumol kini’g disinfectant o bleach ayha kini guntingon para dili kini gamiton og balik ug isulod sa garbage bag nga adunay identipikasyon nga ‘used face mask’ kini.
Gibutyag ni Villafuerte tukion pa sa second reading ang ordinansa lakip na sa ipahamtang nga multa ngadto sa mga violators.
RadyoMaN Aimee Guinita
