Davao City – Nagpadayon pa ang inbestigasyon sa kapolisan sa Bunawan, kung unsa ang motibo ug kinsa ang nagpusil sa mga biktima nga sila si Rengely Panes, 33 anyos biyudad ug Jeanvy Mae Gonzaga, 24 anyos, dalaga nga pulos nagpuyo sa Purok 17, Promise Land, Bunawan Syudad sa Davao.
Sumala ni Police Chief Inspector Estrillo Ramiso Hepe sa Bunawan Police Station, nahitabo ang pagpamusil mga alas 7:30 kagabii sa Bunawan Public Market sa wala mailhing suspetsado. Dugang niya, igo lang nagtindog ang magsoon atubangan sa ilang tindahan sa dihang gipusil.
Ang magulang nga si Rengely naigo sa iyang ulo nga miresulta sa iyang kamatayon, samtang ang manghud nga si Jeanvy Mae, naigo sa iyang tiyan ug padayon karong gitambalan sa Southern Philippines Medical Center (SPMC).
Giingon ni Ramiso, posibleng away sa negosyo ang unang motibo nga ilang gisusi sa gihimong inbestigasyon.
Bernard Pantallon
