DAKPON sa kapolisan ang mga raliyesta nga maghimo sa kagubot ug magsunog sa effigy nga buhaton karong adlawa sa mga militanting grupo.
Ang bahad gipagawas sa tigpamaba sa PNP region 10 nga si Police Supt. Lemuel Gonda subay sa kasaulogan sa adlaw sa mga mamumuo kun Labor day.
Matud ni Gonda bisan kung walay natala nga kagubot sa mga miaging rally sa rehiyon dili gihapon sila magkompiyansa tungod sa posibilidad nga adunay mosakay sa panahon nga mohimo og kasamok.
Kabahin usab sa pagsunog sa effigy, gibutyag ni Gonda nga gidili kini tungod sa balaod sa clean air act ug ilang badlongon.
Apan kung dili magpatuo ang mga ralyista mapugos sila sa pagsikop niini.
By: RadyoMaN Edgar Navarro
Facebook Comments
