General Santos City—Gitudlo karon ang grupong Bangsamoro Islamic Freedom Fighters (BIFF-ISIS inspired group) ang nasaluyo sa pagdagit sa duha ka mga sibilyan sa probinsya sa Maguindanao.
Subay sa report sa kapulisan giila ang mga gipangdagit nga silang Kong Mentos, 40,may asawa og igsuon niining giilang si Que Mentos, 33, mga residente sa Sitio Makun, Barangay Limpongo, Datu Hoffer, Ampatuan, Maguindanao.
Matud pa kang Jovel Tenorio, lider sa mga katutubong Teduray, nga samtang anaa ang mga biktima sa ilahang kaumahan kauban ang laing mga mag-uuma sa dihang kalit lamang mga mibutwa ang mga armadong miyembro sa BIFF og gipang tiunan sila og mga armas.
Dugang pa nga nakadagan ang upat ka mga kaubanang mag-uuma apan ang duruha ang naabtan sa mga rebelde rason nga gipangdala sila sa ilahang kampo. Apan dipa makumperma karon ni Tenorio ang report nga nakaabot kaniya nga gipatay matud pa sa mga BIFF ang magsuon.
Daku ang pagtuo sa lider sa mga tiruray nga posibling naalaang mga sakop sa Citizens Armed Forces Geographical Unit (Cafgu) ang duruha og maoy gahatod og impormasyon ngadto sa militar.
Apan ang maong balita ang gipanghimakak ni BIFF Spokesperson Abu Misry Mama og gihingusgan nga wala silay gidagit og gipatay nga mga sibilyan.
Kahinumduman nga una ng gikataho nga upat ka mga panimalay sa tiruray ang gipangsunog sa mga teroristang BIFF sa may Datu Unsay Maguindanao.
Sa pagkakaron nagpadayon ang imbestigasyon sa kapulisan ingon man sa military aron ilhon ang mga nagpaluyo sa pagdagit sa duha ka mga magsuong mag-uuma. (Emir Bariquit)
(Photo From Web)
