Davao City – Nagkapanit-panit ang magsuon ug usa ka lola human malamoy sa kalayo ang ilang kalawasan samtang gihatud sa Burn Center sa Southern Philippines Medical Center (SPMC).
Giingong wala dayon makagawas ang magsuon nga mao sila Danica ug Donna Banilad ug ang apohan nga si Paustina Banilad, 89 anyos, sa nasunog nilang balay sa Bangkal ning siyudad alas-4:00 sa hapon kagahapong adlawa.
Matud ni Rona nga pagawas niya sa kwarto mao na lamang iyang nakita ang nagdilaab nga kalayo maong dali silang nanggawas sa pinuy-anan.
Apan nabilin sa sulod ang magsuon lakip na ang ilang lola mao gibalikan nila kini apan nakaon na sa kalayo ang parte sa kalawasan sa nasangpit nga mga biktima.
Bisan paman nagtinabangay sa mga silingan aron mapatay ang kalayo apan wala gihapon kini natabang ug hangtud na-ugdaw.
Migula sa imbestigasyon nga nagdula matud pa og kalayo ang lola nga maoy gitohoang hinungdan sa sunog.
Sa karon, wala pa nagpagula og ulahing medical bulletin ang Burn Center kun luwas na ba sa makuyaw’ng kahimtang ang magsuon ug ang apohan.
RadyoMaN Joel Viray
tags DXDC 621 RMN Davao
