General Santos City—patay ang mag suon nga nag edad ug 3 anyos ug 2 ka bulan nga batang babaye samtang kritikal ang ilang inahan human nga nabanggaan ug motorsiklo sa National Highway sakop sa Barangay Baluan, Gensan alas 6:45 ang takna sa gabie June 22, 2017 .
Biktima nga namatay nailhang si Sabrina Origano, 3 anyos, ug Syra Origano, 2 kabulan ang edad samtang kritikal ang ilang inahan nga si Reyna Lahera, 34, pulos residenti sa San Francisco, Barangay Baluan, Gensan.
Sa inisyal nga imbistigasyon nasayran nga gikan ang mag inahan sa Barangay Kawas, Alabel, Sarangani sa balay sa iyang mga ginikanan, pag tabok sa highway sila nabanggaan sa nag haguros nga Mio nga motorsiklo nga gimanihuan sa usa ka Elmar Fernandez, nga taga Prk. Masunurin, Barangay Baluan.
Gideklarang dead on Arrival sa Dr. Jorge Royeca Hospital si sabrina , samtang namatay usab syra samtang ginatambalanan sa maong balay tambalanan.
Kritikal usab ang kahimtang sa ilang inahan nga gidala sa St. Elizabeth Hospital. Samtang nadala sa SOCKSARGEN Hospital ang driver sa motorsiklo ug ang back rider niini nga si Joymae Tandoy, 26 anyos nga taga Barangay Baluan.
Sumala ni Jaymar Origano, uyuan sa mga batang namatay nga sila nakuratan sa maong insidenti. Gani iyang igsuon nga bana sa ginang nga si Reyna dawsa dili madawat a ng kalit kalit nga kamatayon sa duha niini nga mga anak.
Ilang gibasol ang driver sa motorsiklo nga kusog matud pa nga mipadagan mao nga nabangaan ang mag inahan.
