Magsuon samdan sa Mandug fire

51

Davao City – Wala na matabang pa sa mirespondeng kabomberohan ang panimalay sa pamilyang Repaso ug na-ugdaw gayod kini.

Bisan og gisabligan pa og tubig aron mapalong ang kalayo apan gumikan gama sa light material ang balay paspas mikanat ang kalayo sa tibuok panimalay mao nga wala na kini nasalbar pa.


Migula sa imbestigasyon, gidagkotan ni Nomilyn Repaso ang kandila sa ilang altar aron magdalit og ampo sa mga rebulto nga nahimutang sa ikaduhang andana alas-12:00 sa tungang kagabhion.

Apan gibiyaan makadali ni Nomilyn ang altar aron padayon nga maglingaw-lingaw sa videoke dihang iyang nabantayan nga mialisngaw ang aso sa ikaduhang andana.

Atol sa pagsusi niya, dako na ang kalayo busa igo na lang kini misinggit nga sunog dungan sa pagdagan pagawas sa ilang balay uban sa iyang manghud niini nga si Noel.

Gideklarang fireout ang sunog bandang ala-1:40 na sa kadlawon ug mokabat sa kapin usa ka gatos ka libo ang damyos sa maong insidente.

Sa maong panghitabo, nakahiagom og paso sa mga kamot ang magsuon nga daling gitambalan usab sa Emergency Medical Team sa 911.

RadyoMaN Joel Viray

Facebook Comments

From Advertisers