General Santos City—patay ang ginang samtan angol ang bana niini human nga gidunggab sa suspek sulod mismo sa ilang panimalay sa may Barangay Ilaya Glan, Sarangani Province.
Biktimang namatay nailhang si Lydia Rismento, 55, residenti sa Barangay Ilaya samtang ang samdan nailhang si Juanito Rismento, 60, residenti sa samang lugar.
Subay sa inisyal nga imbistigasyon sa Glan Municipal Police Station nasuta nga alas 9:00 ang takna sa gabie dihang gisulod sa usa ka suspek ang ilang panimalay dayon gipangdunggab ang magtiayon.
Nakaangkon ug samad sa iyang likod si Juanito samtang si Lydia nakaangkon ug 3 ka samad sa iyang likod nga nahimong hinungdan sa iyang kamatayon. Nadala pa sa ospital ang duruha apan nakabsan gyud ug kinabuhi ang ginang.
Sumala sa anak sa mga biktima nga iya gyud nakit-an ang pagdunggab sa suspek sa iyang gimikanan. Gikumperma usab niini nga kaila ra usab nila ang midunggab sa mga nahisgutan. ang suspek kanhi na matud pang napriso ug bag-uhay pa nakagawas sa bilanguan.
