Mitaho karon ang mga biktima ngadto sa kapulisan sa Sindangan human gisulod ang ilang giabangan nga panimalay sa didto sa brgy. Disud, lungsod sa Sindangan.
Naila ang mga biktima nga sila si Gladys Pielago y Cuevas, 37 anyos, usa ka magtutudlo, taga brgy. Disud, uban sa iyang bisita nga si Gerald Peilago y Cuevas, 35 anyos, supervisor sa Laden Joyce Garments ug ang asawa nga si Arien Pielago y Vergar, 35 anyos, usa ka magtutudlo, pulos residente sa Tacloban City.
Nakuha sa kawatan ngadto sa biktima ang bag nga adunay sulod nga identification card, mga ATM card, ug mga importanteng papeles sa eskwelahan lakip na ang 1000 ka pesos nga ginag-iyahan ni Gladys Peilago. Gitangag usab ang bag nga adunay sulod nga 51,000mil, mga ID’s, ug passbook nga iya ni Gerald Pielago, samtang sa asawa niini mao ang usa ka Acer Laptop mokantidad sa 16,000mil, cellphone ug mga importanteng dokumento.
Hangtod sa pagkakaron padayon pa nga ginapangita sa kapulisan ang suspek aron nga mapasakaan ug kaso.
