Davao City- Walay matigayong constitutional crisis niining nagpadayong buruka karon sa administrasyong Duterte ug taga-oposisyon.
Sumala ni Prof. Randy Ponteras, tigpamaba sa AKBAYAN, dili mahulog sa constitutional crisis ang mga isyu sa extra judicial killings ug kampanya batok gidiling droga nga nakaangkon og mga pagsaway sa mga kritiko, gawas sa isyu nga paggahin og usa ka libo ka pesos sa buhatan sa Commission on Human Rights nga kung gidayon, posibleng mahulog kini sa constitutional crisis. Aron mosustiner si Presidente Rodrigo Duterte, kinahanglang mamahimo siyang unifying president ug dili niya pang-awayon ang ubang mga nasod sama na lamang sa Amerika ug uban pa.
Samtang giklaro usab ni Prof. Ponteras, way rason nga magdeklara og revolutionary government tungod kay anaa na siya sa puder, anaa na kaniya ang gahom ug dili siya masuko kung pasakaan siya og kaso sa ombudsman tungod kay ila kining trabaho.
RadyoMan Bernard Pantallon
