Operation Pahiyum Ipahigayon Sa Marso 7-18 Dinhi Sa Zn Medical Center

16

DIPOLOG – Ipahigayon na usab dinhi sa Zamboanga del Norte Medical Center ang laing hugna sa Operation Pahiyum, kini usa ka surgical mission alang sa mga bungi ug adunay diperensya sa alingagngag karong Marso 7-18 niining tuiga.Kini gipasiugdahan sa International Children’s Surgical Foundation pinaagi ni Dr. Geoff Williams nga nakabase sa Boise, Idaho, Rotary Club of Dipolog, Philippine band of Mercy ug sa kagamhanang probinsyal.Sumala pa ni Dr. Williams sa mensahi nga gipadangat ngadto ni Mr. Roberto Pinsoy, ang Executive Assistant sa buhatan sa gobernador, kini ang nagpahibalo nga adunay 43 ka pasyente ang nagpalista alang sa maong medical mission.Nasayran nga si Dr. Williams usa ka plastic surgeon ug kanunay nang nagpahigayon sa libreng operasyon, dili lamang dinhi sa lalawigan, kondili lakip na sa ubang bahin sa nasud ug sa laing mga nasud ilabi na sa mga kabus nga mga pasyente.

Facebook Comments