Magtutudlo ug lain pang tulo dakpan sa buy bust operation

30

Dumalinao, Zamboanga del Sur – Kasong paglapas sa Akta Republika 9165 kun Comprehensive Dangerous Drugs Act of 2002 ang gi-atubang sa usa ka magtutudlo ug laing tulo niining mga kauban human nadakpan sa drug buy bust operation nga gikasa didto sa hotel sa Purok Maabtikon, Brgy. Paglaum, Dumalinao, Zamboanga del Sur.
Ang Joint operation gilangkuban sa PDEA- Zamboanga del Sur, uban ang Provincial Intelligence Branch Zamboanga del Sur Police Provincial Office (PIB-ZSPPO), Provincial Drug Enforcement Unit Zamboanga del Sur Police Provincial Office (PDEU-ZSPPO), Regional Drug Enforcement Unit (RDEU) ug tropa sa Dumalinao Municipal Police Station.
Largong gipusasan ang mga target nga sila si Edmundo Rais Abalos aka “Bryan”, Ryan Gabunilas Cabilao, aktibong magtutudlo, Sweet Ann Basco Resuelo ug Mia Grace Buligan Panganuran aka MG, pulos residente sa Zamboanga Sibugay.
Nakumpiska sa mga dinakpan ang (33) ka pakite sa gitoohang shabu nga gibana-banang motimbang sa singko gramos nga mokantidad sa 34,000.
Nahipos usab posisyon sa mga suspek ang lain-laing drug paraphernalia ug buy-bust money.

Facebook Comments