General Santos City–Malampusong nasikop sa mga personahe sa Police Station 3 ang usa ka salesman sa ilahalang gipahigayon nga buybust operation alas 12:30 ang takna sa kaadlawon sulod sa usa ka lodging house.
Sumala pa ni Police Lieutenant Felix Minion ang Deputy Chief Of Police sa Police Station 3 nga nakadawat ug impormasyon ang ilahang operatiba gikan sa ilahang asset nga naga pamaligya ug droga ang nasangpit sulod sa lodging house.
Dugang pa ni Lt. Minion nga possible man usab nga diretsong mogamit ang suspect sa maong lugar tungod kay gawas sa buybust money nga P500.00 duna man usay narecover nga mga drug paraphernalia.
Samtang mag atubang matud pa ug kasong pag supak sa RA 9165 partikular na ang sec 5 ug 12 kon pagpamaligya ug iligal nga droga ug paghupot ug mga drug paraphernalia ang nasangpit nga suspect.
Dugang pa ni Police Lt Minion nga wala sa ilang watch list ang suspect ug nasikop lang kini human nga namaligya sa asset sa kapulisan.
Sa karon ginasuta paman usab sa Police Station 3 kung asa naggikan ang droga nga ginabaligya sa suspect aron usab sa mga musunod nila nga operasyon.(Dave Silagan)
(Photo is for illustration only)
