iFM Laoag – Senelebraran dagiti opisyales ti gobierno ti maika-12 a ‘Charter Day’ wenu pannakabigbig ti Batac kas maysa a siudad.
Nupay simple ti nagbalin a selebrasyun, patien ni Batac City Mayor Albert Chua a magun-od ti arapaap iti siudad nu agtitinulong dagiti lumugar ken kasta pay dagiti opisyal. Innayunna a babaen iti daytoy, mas dumurdur-as ken naranraniag pay ti masakbayan iti nasao a lugar.
Kabayatanna, inrekomenda ti Tourism Committee ti pannakaisina ti Charter Celebration iti siudad iti petsa a panangselebrar met iti Empanada Festival.
Makita dagti opisyal a natudo ti bulan ti Hunyo ket dakkel a makaapektar daytoy kadagiti makipagpartisipar iti nasao a selebrasyun. Gapu kadaytoy, maiyalud-od daytoy iti tunggal bulan ti Disiembre.
Nupay kasta, nabunga ti selebrasyun gapu ta nairana daytoy iti aldaw ti Domingo nga aldaw met a panagyaman iti adu a parabor ti namarsua iti nasao a siudad.
Bernard Ver, RMN News
