Bisan pa man gipakita sa suspect ang iyang Mission Order o MO nga pirmado sa usa sumala pa sa usa ka opisyal sa army sa may Camp Bancasi, apan gisikop gihapon kini sa mga sakop sa Butuan City Public Safety Company.
Sumala pa ni Police Chief Inspector Christian Rafols, team leader sa SWAT, dili balido ang mga MO gumikan kay Martial Law karun sa Mindanao ug bugtong mga law enforcers ug sakop lamang sa PNP ang awtorisado nga magdala dala ug armas.
Angay masayran, Nabalhog sa karsel sa Butuan City Police Station 1 ang usa ka kanhi guardya sa FSUU nga nakuhaan ug caliber 45 pistol kagahapon sa kapulisan didto sa San Francisco St., ning dakbayan sa Butuan.
Sa interview sa RMN Butuan gibutyag sa suspek nga si Ramil Mantilla, taga Brgy. Bancasi ning dakbayan sa Butuan bugtong mission order lamang ang iyang gihuptan nga giisyu sa usa ka opisyal sa Phil. Army sa Bancasi.
Una na niini namahayag si PCI. Christian Rafols sa Butuan Public Safety Company nga samtang nagpahigayon sila ug Oplan Sita sa Brgy. Ong-yui usa ka tawag ang ilang nadawat nga adunay kadudahan nga tao nga nagbarug dool sa banko nga adunay armas hinungdan sa pagka-aresto sa suspek. (photo courtesy major rafols fb)
