CADIZ CITY, NEGROS OCCIDENTAL – Isa ka lalaki ang napatay matapos nga naigo sang kilat kahapon sang hapon sa ciudad sang Cadiz.
Nakilala ang biktima nga si Hermoso Ledesma, 52 anyos ang edad, pumuluyo sang Sitio Alimatoc, Brgy. Celestino Villacin, Cadiz City.
Suno sa asawa sang biktima nga ang iya bana ang nagkadto sa kampo agud nga mag-obra, apang sa wala ginapaabot nga tion, ini siya ang naigo sang kilat kag napatay gid.
Sa pihak nga bahin, napatay man ang isa ka lalaki matapos nga ini ang nahulog sa atop sang ila balay kahapon sa Brgy. Jerusalem, Cadiz City.
Ginkilala ang biktima nga si Genaro Manolo, 54 anyos ang edad, residente sang Purok Malinong, Brgy. Jerusalem.
Ginpahayag sang asawa sang biktima nga nagsaka sa atop sang ila balay ang iya bana agud nga may kaayuhon.
Apang, aksidente ini nga nahulog nga amo naman ang gintunaan sang iya kamatayon./dyHB BACOLOD
