Ginganyat ni Trade Secretary Ramon Lopez ang publiko nga i-report sa Department of Trade and Industry ang mga groceries kag supermarkets nga magpataas sang makaduluda nga presyo sang ila mga baligya.
Ginpahayag ni Lopez nga tama lamang ka gamay ang epekto sang TRAIN Law sa presyo sang mga balaklon kon ilakip ang dugang nga excise tax sa kabug-usan nga production cost.
Suno kay Lopez, sa produktong petrolyo, ang epekto sang excise tax ang yara sa 0.4% lamang kabangdanan indi dapat magtaas sang sobra ang presyo sang gasolina kag diesel.
Sa mga de lata naman nga sardinas nga 155 grams ang magataas man sang 4 sentimos samtang ang corned beef ang magataas sang 7 sentimos.
Bisan ang mga noodles, habon panglaba, gatas, meat loaf kag loaf bread ang indi dapat magtaas sang piso.
