General Santos CIty–Hangtod karon padayon gihapon nga naglaum ang mga residente sa Barangay Batomelong, Tinagacan nga mabayaran sila sa gobyerno human maigo sa gikaingong road right of way ang mga propriedad nga maagian sa proyekto sa kalsada.
Usa na nga miangal hangtod karon ang pamilya ni Johaida Lubilos, nga taga Barangay Batomelong nga mabayaran sa road right of way.
Sa pamahayag ni Barangay Kapitan Dagadas Panayaman sa Barangay Tinagacan nga bisan siya ang nahibulong nganung naapil ang iyahang Barangay nga naagian og nakabinipesyo sa road right of way nga hangtod karon wala siyay nahinumduman nga naisyuhan nila sa Barangay og clearance alang sa road right of way claims.
Kahibaluan nga 2009 pa sa dihang gihimo ang maong maong sindikato sa pag pike sa mga titulo sa yuta nga gikalambigitan matud pa sa Department of Public Works and Highways kon DPWH.
Andam matud pang mutambong sa unsa mang pagahimuong imbestigasyon ang mga Barangay Opisyal sa Batomelong og Tinagacan aron klaruhon ang maong isyu og mabayaran ang angayang mabayaran. (Emir Bariquit)
