BACOLOD CITY – Patigayunon sa maabot nga Martes ang ‘signing’ sang Memorandum of Agreement (MOA) sa tunga sang Province of Iloilo kag Kaya Football Club.
Suno kay Iloilo Provincial director for Football Edwin Laru-an, nga gin-aprubahan sang Sangguniang Panlalawigan sang Iloilo ang pag-pirma sang MOA ni Governor Arthur Defensor sa diin gamiton sang Kaya Football Club nga home stadium ang Iloilo Sports Complex.
Sa tion nga mafinalize na ang agreement, ang Kaya FC Makati ang pagtawgon na nga Kaya FC Iloilo.
Gindugang pa ni Laru-an nga mangin ‘interesting’ ang 2018 PFL Season bangud sa Negros-Iloilo rivalry sa patag sang football sa diin makabulig ini sa sports tourism sang duwa ka probinsya bangud nga mahapos naman ang pagtabok padulong sa Bacolod – Iloilo vice versa.
Sa karon padayon nga gina-renovate ang mga locker rooms sang Iloilo Sports Complex bilang preparasyon naman sa pagsugod sang Philippines Football League (PFL) sa bulan sang Marso.
