BACOLOD CITY – (2nd Update) Daku nga bulig sa sports tourism sang Western Visayas ang pagsaylo sang Kaya Football Club sa Iloilo.
Sa maabot nga Martes (Pebrero 6), patigayunon ang ‘signing’ sang Memorandum of Agreement (MOA) sa tunga sang Province of Iloilo kag sang Kaya Football Club.
Suno kay Iloilo Provincial director for Football Edwin Laru-an, nga gin-aprubahan sang Sangguniang Panlalawigan sang Iloilo ang pag-pirmahanay sang MOA ni Governor Arthur Defensor sa diin gamiton sang Kaya Football Club nga home stadium ang Iloilo Sports Complex.
Sa tion nga mafinalize na ang agreement, ang Kaya FC Makati ang pagtawgon na nga Kaya FC Iloilo.
Gindugang pa ni Laru-an nga mangin ‘interesting’ ang 2018 PFL Season bangud sa Negros-Iloilo rivalry sa patag sang football.
Sa karon padayon nga gina-renovate ang mga locker rooms sang Iloilo Sports Complex bilang preparasyon naman sa pagsugod sang Philippines Football League (PFL) sa bulan sang Marso.
Sang nagligad nga tuig, nagapangaduha ang Bacolod City sa Boracay sa foreign tourist arrivals sa diin daku nga factor diri ang mga football games sang Ceres Negros FC sa Panaad Park and Stadium.
