Un famoso make-up artist ya sale muerto despues el dos persona ya entyra na su pusento adentro del diila casa na M. Calixto Street, Zone 1 y ya empesa lancia conele hasta ya muri le.
El maga suspechaop ya ruba pa su dinero y cuantos maga personal galamiton.
El victima amo si Kurshidy Latip Sahak, quien ya sostene irida na puñalada na su cuerpo.
Na inicial report del pulis ta aparese pasada alas 10 del nochedel Miercoles, dos persona ya entra na su pusento y nohay tarda, ya oyi su subrina si Nur-ina Sahak ya grita el victima.
Ensiguidas tambien el familia Sahak ya verifica na pusento di Kurshidy y ya sale sila sobre saltao cuando ya mira sila con el victima muerto ya y masangre.
Con el dos suspechao ya alcansa pa sila ta sale afuera del casa y yah ace sila lagas.
Aquel tiempo el hermano del victima si Doy Sahak talia tambien na casa y ya ayuda hace lagas con el suspechao y con el ayuda di PO2 Edgar Erra quien aquel tiempo ta pasa afuera ya puede estos cuji con el unu del dos suspechao y ya conose con este como si Jul Nurrudin.
El pulis recobri el cell phone del victima na possession di Nurrudin.
Asegun el jacket que ta bisti si Nuruddin manada pa pisig de sangre.
El compañero di Nuruddin ta esta pa largao.
El pulis ya habla el maga suspechao ya ruba dinero y otro maga valuable cosas del victima.
Robo amo el ta mira motibo el maga pulis del incidente
