General Santos City- Gitay-og sa magnitude 5.6 nga linog alas 8:37 sa gabie ang Makilala, Cotabato Province.
Ang sentro niini adunay gilawmon nga 14 kilometers sa habagatan-kasadpan nga bahin sa Makilala.
Nabati ang Intensity 5 sa Makilala, Kidapawan City, Koronadal City ug Santa Cruz, Davao Del Sur.
Intensity 4 nga pagtay-og usab ang nasinatian sa Davao City, Polomolok, Tupi, Tampakan ug Sto. Nino sa South Cotabato, apil na sa Tacurong city ug Quirino sa Sultan Kudarat.
Intensity 3 usab sa General Santos City ug Kiamba, Glan ug Malungon sa Sarangani Province.
Samtang intensity 2 ang nabati nga pagtay-og sa Cotabato City ug sa Nabunturan, Compostela Valley.
Subay sa report pipila ka mga panimalay sa Makilala ang naguba gumikan sa maong pagtay-og. Samtang pipila usab ka aftershocks ang natala human sa pagtay-og.
(Photo From Web)
