Ang tangkong maoy usa sa mga tanom nga Makita lang maski asang basakan o mga basing lugar, ilado kini og dali rapod kini mutubo.
Lami kini gisahon, sabawan pati sa sinigang og nagkalain-laing putahe. Dili lang ang dahon ang makaon pati pod ang tugkay niini.
Mamulak pod kini kung diin nindot kaayo tan’awon.
Daghan bitamina ang makuha sa tangkong, isa na ang protein, taba, Vitamins C3 og B2 duna pod kini iron og calcium. Pwedeng paugahon og dukdukon dahon og tugkay niini aron pangtambal sa nagkalain-laing sakit.
Ania ang mga sakit nga pwede matambalan o matabangan sa tangkong:
1. LISUD NGA PAG-PAGAWAS SA HUGAW
· Makatabang ang tangkong sa mga tao nga lisud makapagawas sa hugaw, ang dahon og tugkay niini mao ang makatabang sa imoha pag-bawas kada adlaw.
2. DIABETES
· Ang bulak sa tangkong nga mura og lilac, makatabang kini sa taong dunay diabetes. Ginapili ang dahon aron ipakaon sa taong dunay sakit.
3. DILI MAKA-SUKA
· Ginagamit ang duga sa tangkong sa taong dili maka-suka (emetic) labi na sa mga tao nga dunay kaso sa pagkahilo.
4. IMPEKSYON SA BITOK SA TIYAN
· Daghan ang tao nga dunay daghan pod namuyo sa ilang tiyan nga mga bitok. Makatabang ang tangkong labi na ang duga niini aron wagtangon ang mga bitok nga nagpuyo sa tiyan.
5. BUN-I
· Ginagamit ang tangkong aron mawala ang katol kaayo nga bun-i. Dukdukon kini og ihampol sa panit nga dunay bun-I og diha dayun makatabang kini sa pag-ayo.
6. KALINTURA NGA MAADTO SA KUMBULSION
· Nindot pod gamiton ang dahon sa tangkong aron panghampol sa taong dunay kalintura og gina-dukduk sab kini aron pang inom sa taong taas og kalintura.
7. LISUD NGA PAG-IHI
· Para sa mga taong maglisud sa pag-ihi, ang paglaga sa dahon o tugkay sa tangkong mao makatabang. Lagaon lang kini og imnon.
Apan mga idol, duna pa ba kay nahibal’an, i-comment lang kana sa baba.
Para sa Tip Ni Luningning ug uban pa, paminawa ang programang “u&i” 9pm-12mn sa 93.9 iFM Davao.
