BACOLOD CITY – Kapin sa P45,600 pesos nga balor sang peke nga paper bills ukon ‘fake money’ ang natigayon nga marecover halin sa mga suspek sa Brgy. Alijis, ciudad sang Bacolod.
Ginkilala ang mga suspek nga sanday Andrew Polidario kag Shane Depositar lunsay pumuluyo sang Villa Homes, Brgy. Vista Alegre, Bacolod City.
Sa operasyon nga ginpatigayon sang mga katapo sang Police Station 7, nadakpan ang mga suspek nga sa Purok Mainuswagon, Brgy. Alijis sang nagligad nga adlaw.
Ang peke nga mga paper bills ginlakipan sang P1,000 peso bills, P500 peso bills kag P100 peso bills.
Wala labot sa fake money, nakuhaan pa gid ang mga suspek sang apat ka sachet sang suspected shabu kag mga drug paraphernalia ang suspek.
Sanday Polidario kag Depositar ang detained na karon sa custodial facility sang PS7./dyHB BACOLOD
