Ginlakip sang Inter-Agency Task Force for the Management of Emerging Infectious Diseases (IATF) ang mga pungsud Thailand kay Malaysia sa mga lugar sa idalum sang travel ban bangud sa pagpamahog nga dala sang Delta variant sang Covid-19.
Suno kay IATF kag Presidential Spokesperson Harry Roque, maga-umpisa ang travel ban sa duha ka mga pungsud las 12:01 sang aga sa July 25, 2021 tubtub las 11:59 sang gab-i sa July 31, 2021.
Ang mga in transit na before July 25 ang pahanugutan nga makasulod sa Pilipinas apang ipaidalum sa 14 day facility quarantine magluwas pa sa negative nga RT-PCR test result.
Wala nalakip sa travel ban ang mga Filipinos nga kabahin sang repatriation efforts ukon special commercial flights.
Una na nga ginlakip sang IATF sa travel ban ang mga punsud Indonesia, India, Pakistan, Bangladesh, Sri Lanka, Nepal, United Arab Emirates kag Oman.
