General Santos City–Generally peaceful ang piniliay sa tibuok Rehiyon Dose niadtong Lunes, May 14, 2014. kini ang gibutyag ni Police Chief Superintendent Marcelo Morales,Regional Director sa Police Regional Office 12.
Sumala niya nga ang mga gitutukang hot spot sa rehiyon ang nahimong hapsay ug malinawon gumikan na matud pa sa maayong security deployment sa kapulisan ug militar.
Pamahayag niini nga gawas sa mga minor nga problema sama sa away sa mga taga-suporta sa mga kandidato wala na silay nakit-ang unsa mang problema.
Samtang sa nahitabong pagpusil-patay sa kapitan ug re-electionist nga si Mustre Aguib, 51 anyos ug incumbent nga barangay kapitan sa Barangay Mina, Palimbang, Sultan Kudarat, dili nila kini makonsiderang may kalabutan sa pulitika.
Pamahayag niini nga basi sa inisyal nga impormasyon, gidudahang ang biktimang kapitan ang nagtudlo sa kabanay sa suspek ngadto sa otoridad sa ilahang kalambigitan sa illegal nga droga.
Sa karon matud pa, nakatakda nang pasakan ug tukmang kaso ang duha ka mga suspek nga positibong gitudlo sa testigo. Sama man matud pa kini sa kaso ni Brgy. Sapu Masla kagawad Haron Malagos.
Kalabot niini, gibutyag ni Gen. Morales nga sa karon aduna silay usa ka kaso sa rehiyon nga gitutukang posibleng election related apan nagdumili kining ibutyag gumikan padayon pa ang imbestigasyon sa kaso.
Samtang iyahang gipasigarbo nga walay failure of election sa rehiyon 12 basi na usab sa kumpirmasyon sa Commission On Elections, Pasabot matud pa kini nga nahimong nindot ang security preparation sa tanang ahensya aron nga maangkon ang malinawon nga piniliay. (Lore Romualdo
