Nangin madinalag-on ang Police Regional Office 6 sa pagpasiguro sang seguridad sang bilog nga rehiyon 6 sa paghiwat sang ikatlo nga State of the Nation Address ni Presidentre Rodrigo Duterte kahapon.
Ini matapos nangin malinong kag matawhay sa kabilugan ang SONA 2018 kon sa diin wala sang anuman nga insidente sang kalakasan nga nagluntad kag matawhay man ang ginhiwat nga hublag protesta sang mga militante nga hubon.
Nahibaluan nga 1,192 ka mga police personnel ang gin-deploy sa bug-os nga rehiyon agud magbantay sang kalinong kag katawhay.
Naglab-ot naman sa 2,430 ka mga miyembro sang cause oriented groups ang nag-upod sa rally .
wala naman sang nagluntad nga pagbanggi-anay sa tunga sang mga rallyista kag mga kapulisan kag matawhay nga nag-disperse ang mga militante matapos ang ila hublag protesta.
