Roxas City, Capiz- Lubos ang pasalamat sang isa ka persona matapos nga gin-uli sa iya sang tricycle driver nga iya ginsakyan ang ginapanag-iyahan sini nga cellphone.
Suno sa Facebook user nga nagahingalan lamang kay Jeymmareey Flores Sian, halin ini sa McKinley St. kag pauli na sa ila poluy-an sang ulihi na natalupangdan nga nadula ang cellphone sini makaligad ang kapin sa isa ka oras sang iya nadumdoman.
Magabalik na ini kuntani sa isa ka botika ukon sa Mckinley St. kun sa diin siya ulihi nagsakay apang sang pagguha sa ila balay, may yara nga isa ka tricycle nga nagpondo kag gindaho sa iya ang ginapanag-iyahan sini nga cellphone.
Suno sa driver sang tricycle nga may City Number nga 1264, nakit-an niya ang amo nga cellphone samtang ini ang yara sa “Tanque North”(PMRMS North).
Suno pa sa uploader, apisar nga wala sini mahibaluan kun anu ang matuod nga pangalan sang nasambitan nga driver, nagapasalamat sa gihapon ini sa kaayuhan nga iya ginhimo.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
