Detinado ang 23 anyos nga ulitawo nga si Larry Solis, residente sa Barangay Puntod ning siyudad kinsa usa ka kwek-kwek vendor human makitang dunay dalang kutsilyo samtang nanan-aw og billiard.
Alas 10:30 kagabie dihang nag-roving ug nagpahigayon sa Oplan Bakal Sita ang elemento sa Police Station 2 Cogon pinanguluhan ni team leader SPO2 Crisanto Capistrano uban ni PO1 Rey Caesar Ramos dapit sa Daumar Street, Barangay 38 dool sa Calaanan Terminal.
Didto ilang nakita si Solis samtang nagtan-aw sa nagdula og billiard nga dunay nakasuksok nga kutsilyo sa iyang hawak ug sa ilang pagkapkap nakuha ang usa ka sachet sa gitoohang marijuana.
Temporaryo usab nga gi-detain ang suspek sa Police Station 2 Cogon samtang giandam ang kasong pagsupak sa Republic Act 9165 ug Concealing of Deadly Weapon in relation to COMELEC gun ban.
