Mamaligyaay og prutas, nanumbong human gihulga sa iyang customer

Gibati’g kahadlok ang 58 anyos nga mamaligyaay og prutas human kini gihulga sa iyang customer.

Matud ni Perla Tabornal nga taga Agusan ning siyudad, nagkatubag sila sa iyang customer nga lalake dihang nanghangyo kini sa presyo ug mibungat pa sa mga pulong “Wa mo kaila nako? Basin ipapahawa ta mo diri”.

Human sa maong hitabo, daling misibat ang maong lalake sakay sa motor uban sa duha niini ka backride.

Insidente nahitabo alas 12 ganinang kadlawon sa Cogon Market.