BREAKING: Manag uyab nga minor de edad naghikog Napalgang patay ang duha ka nagkahigug-maay nga mga minor de edad human gikatahong dungan nga naghikog pinaagi sa paghikot ug pisi sa li-og, didto sa brgy. Maguinda ning syudad sa Butuan.
Nag-edad ug 14 anyos ang biktimang babaye samtang 16 anyos ang biktimang lalaki ug gika-ingung nag-live in na ang duha sa panimalay sa lalaki. Sigun ni Punong Barangay Eleno Orkis sa brgy. Maguinda, walay tahu nga nag-away ang duha ka mag-uyab mao’ng blangko pa ang pamilya sa duha ka mga biktima kung unsay hinungdan sa ilang pagpakamatay.
Nagbilin ug “suicide note” ang duha ka mga biktima. Unod sa sulat sa lalaki mao nga kinahanglan mopalit ug bugas iyang magulang aron dali modaku; samtang ang sulat sa babaye nagpasidaan nga kinahanglan dili sila magbulag sa iyang uyab.
Sa karon gipahiluna na ang patay’ng lawas sa duha ka mga biktima.
Sent from my Samsung Galaxy smartphone.
