Patay ang manauray og tari sa manok sa dihang gi-ambush sa Zayas landfill, Barangay Carmen ning syudad mga 5:15 kagahapon sa hapon.
Ang biktima mao si Franklin Vios, minyo ug taga Macanhan, Barangay Carmen.
Nasayran nga sakay sa starex van si Vios gikan sa sabongan sa Barangay Canitoan ug gi-atangan sa duha ka wala mailang suspek nga sakay sa motorsiklo dayon pusil sa pag-agi sa biktima.
Gidala pa sa Oro Rescue ngadto sa JR Borja General Hospital ang biktima apan gideklaranang dead on arrival.
Nakaangkon sa tulo ka samad pinusilan ang biktima sa dughan, tiyan ug kamot.
Gitan-aw sa kapulisan nga motibo sa kremin ang nakalalis niini sa sabongan ug dunay nangita sa biktima sa wala pa nahitabo ang ambush.
Facebook Comments
