Sumala ni Dr. Michelle Schlosser, tigpamaba sa Davao City Coronavirus Disease 2019 (COVID-19) Task Force (sa interbyu sa city-owned radio), padayon ang hugot nga pagpatuman sa mandatory nga pagsuot og face mask nga dako’g tabang aron paglikay sa takod sa COVID-19, ilabina karon nga nagbaton na og local transmission ang Omicron subvariant BA.2.12.1 sa Pilipinas.
Gawas sa pagsuot og face mask, padayong giawhag sa health official ang Davaoeños nga magpabakuna ug magpa-booster batok COVID-19 aron magbaton og dugang proteksyon ugaling mataptan man sa virus.
“Same lang gihapon with other (COVID-19) variants, ang transmission is preventable through wearing of face mask. That’s the reason why we still implement this minimum public health standard na wearing of face mask. Diri sa Davao City, gina-intensify pud nato ang pag-penalty sa dili mag-wear og face mask,” sulti ni Schlosser.
Subay sa Davao City Ordinance No. 0307-20 ang mga indibidwal nga makalapas sa mandatory face mask mamahimong makamulta og P500 sa first offense; P2,000 sa second offense; ug P5,000 o usa ka bulan nga pagkapriso sa third offense.
RadyoMaN Kirby Manzon
