Davao City – Dili seguradong makapaubos ug maka-eliminate sa balatiang HIV-AIDS kung himoong mandatory ang HIV Test.
Sumala ni Dr.Jordana Ramiterre Davao City Reproductive Health and Wellness Center (RHWS) Head, dili siya segurado kung unsay benepisyo nga makuha kung himoong mandatory ang HIV Test, tungod kay daghan pud ang dili kinahanglang ipailawom sa testing ug stigma hinungdang dili gihapon magpatesting batok sa maong balatian.
Matud pa usab ni Ramiterre, dunay matigayong diskreminasyon kung dili tanan ipailawom sa mandatory test.
“Again its voluntary, confidential naa pud gihapon siya sa bag-ong law kay na-amend man to karon RA 11166,” segun ni Ramitterre.
Samtang gipasabot usab ni Ramiterre subay sa RA 11166, kinahanglang boluntaryo ug confidential ang mopailawom sa HIV-Testing gawas kung dunay bag-ong balaud nga himoong mandatory ang HIV-Test.
RadyoMaN Bernard Pantallon
