Mandatory psychological test kag neuro psychiatric test ipatuman sang Provincial Government sang South Cotabato sa mga aplikante.

Mandatory na ang pagpaidalom sa psychological test sa mga bag-o nga aplikante nga empleyado sang Provincial Government sang South Cotabato, apang kon ang aplayan ang para sa security kag jail operations kinahanglan pa nga magpaidalom sa neuro psychiatric test.
Aplikable man sa mapromote nga security kag jail personnel ang pagpaidalom sa gihapon sa mga ini sa psychiatric test tungod sensitibo ang ila nga trabaho ilabi na nga nagabitbit ang mga ini sang armas luthang.
Ang nasambit nga polisiya sang lokal nga panggobyerno suno kay Provincial Human Resource Management Officer Alex Basco ang nakabase sa 2017 Omnibous Rules on Appointment.
Suno kay Sir Basco paagi sa nasambit nga test mabuligan man sila nga makapili sang maayo nga empleyado tungod paagi sa nasambit nga test makit-an ang deperensya ukon mahibaluan kon ano nga klase ka sang empleyado kag kon bala fit ini sa trabaho nga gin-apalayan.