Davao City – Wala pay plano ang pamilyang Panes nga mopasaka’g kaso batok sa kontraktor nga nagdumala sa pagpatrabaho sa Mandug-Acacia Bypass road , Purok Sto Niño, Brgy. Mandug, syudad sa Davao.
Sa esklusibong interbiyo sa DXDC RMN DAVAO Kang Hermie Panes asawa sa biktima nga ipahimutang una nila ang iyang bana nga naa karon sa usa ka punenarya sa Panacan ning dakbayan.
Gidugang ni Panes, wala pay nadawat nga hinabang gikan sa kontraktor. Ang nitunol pa lamang ug financial assistance ang kompanya nga gitrabahoan sa iyang bana. Naglaum ang pamilyang Panes nga matagaan pa sila og dugang hinabang alang sa pagpahiluna sa biktima.
Plano sa pamilya nga ilubong sa Forest Lake Cemetery, Panacan, Davao City ug wala pay pitsa o adlaw nga gitakda.
Niadtong Lunes (March 22, 2021) natabunan sa midahili nga yuta si Panes, samtang nagbike subay sa maong dalan nga miresulta sa iyang kamatayon.
RadyoMan Don Pulayao
