SAN CARLOS CITY – Gintiro sang iya man lamang kaugalingon nga utod kag duha ka hinablos ang isa ka lalaki sa Brgy. Quezon, ciudad sang San Carlos kahapon sang hapon.
Ang biktima ginkilala kay Felix Tenerife, 60 anyos ang edad, pumuluyo sang Sitio Buyo, Brgy. Quezon, San Carlos City.
Suno kay Felix nga pasado las 5 kahapon sang hapon samtang ini siya ang nagalakat, hinali na lamang ini nga ginpunduhan sang mga suspek kag gintiro.
Ginpahayag sang magulang nga wala gid siya nagalaum nga himuon ini sa iya sang iya man lamang kaugalingon nga utod kag mga hinablos.
Igo sa iya tuo nga abaga ang naangkon ni Felix matapos gintiro sang mga suspek gamit ang 12 gauge shotgun.
Sa karon ang biktima padayon nga ginabulong sa Corazon Locsin Montelibano Memorial Regional Hospital./ Not the actual photo
