Giaghat karon sa lokal nga kagamhanan ning syudad ang mga mangisdaay nga magbantay sa mga balaod pandagat.
Kini human gihingusgan sa Bureau of Forestry and Aquatic Resources sa Department of Agriculture kon DOA-BFAR, ang hugot nga pagpatuman sa RA 10654-2015 O Philippine Fisheries Code.
Ubos sa maong balaod, nakabutang ang mga patakaran aron matangtang ang illegal ug dili sakto nga pamaagi sa pagpangisda.
Kini sama sa pagdakop sa mga gagmayng isda sama sa malansi, paggamit og pinong pukot, eksplosibong dinamita, kemikal o hilo.
Samtang ang makalapas sa balaod nga mga mangingisda, mamaligyaay ug mamalitay ang pahamtangan og silot.
Kini sama sa pagbayad og multa, ug pagkapriso hangtud sa duha ka tuig.
Ang maong kalihukan gihaom sa gihimo nga Search for Outstanding Coastal Community sa tibuok nasud nga gisuportahan sa konseho ning syudad.
