Kinumpirma ng Manila Local Government Unit (LGU) na 17 percent na lamang ang occupancy rate sa Manila COVID-19 Field Hospital sa Luneta, Maynila.
Ito ay may kabuuang 57 COVID-19 patients na lamang mula sa 344-bed capacity.
Sa kabuuang quarantine facilities naman sa buong Maynila, 1% na lamang ang occupancy ngayon mula sa 870-bed quarantine facilities.
Patuloy naman na dinadagsa ng Manila at non-Manila residents ang libreng RT-PCR tests ng Manila City government.
Hinimok din ni Mayor Isko Moreno ang mga hindi pa nakaka-avail ng second dose ng bakuna na agad nang kumpletuhin ang Covid vaccination para sa kanilang proteksyon.
Facebook Comments
