iFM Laoag – Pinapatay ti uleg iti maysa mannalon iti Brgy. 10 Arua-ay iti ili ti Piddig gapu ti daras a gita a naikagatna iti namin uppat iti luppo ti biktima.
Nabigbig ti biktima a ni Mr. Andres Delacruz y Crisostomo, agtawen pitupulo ket uppat, maysa a mannalon, naasawaan ken residente metlaeng ti nadakamat a brgy.
Segun kenni Brgy. Kagawad Jeffrey Gonzales, maysa a kagawad ti Brgy. Arua-ay iti Piddig napan nangruot ti biktima kalpasan laeng iti panagkape na itay agsapa iti oras ti alas sais idin ta saan pay a napasangpet ti pamilyana itay pangaldaw.
Iti daytoy nagdesision iti asawa ti biktima a mapanna kitaen iti taltalon a nangruotanna idin ta oras ti pangaldaw ket saan pay simmangpet a napan nangan. Ditoy nakitana ti biktima a nakaudatal iti katalunan nga awananen ti anges.
Addaan ti uppat a kagat iti luppo iti biktima ken maatap nga uleg ti nangkagat gapu iti kapaspasna a napugsatan ti anges ken insigida met a napan nagarayat dagiti Brgy. Officials a nangitaray iti ospital.
Basar met ti palawag ni Mr. Manuel Pascua maysa kadagiti nangakop ti bagi ti biktima, natangkenen ni dela Cruz idi akopenna iti nakaudatalanna, malaksid iti daytoy nakulkulapsitan pay ti kudilna iti kabayagnan a nakapalag.
Naideklar a dead on arrival ti biktima iti panangitarayda kenkuana iti Piddig General Hospital ken agpapan ita a gundaway birbiroken dagiti bumaranggay iti atapda nga uleg na nangpapatay iti biktima. (Joe Anne Agustin, RMN News)
