Trending sa social media ang war epic film nga “Freedom Fighters” kung asa co-producer ang Pambansang Kamao nga si Manny ‘Pacman’ Pacquiao.
Kini human naapil si Pacquiao sa pagbida sa pelikula sa Los Angeles-based producer nga si Francis Lara Ho.
Base sa report, mobida si Pacquiao isip si Col. Macario Peralta Jr. nga usa ka war hero ug makauban niini ang kababayang action star nga si Cesar Montano nga may papel isip Protestant minister nga si Rev. Delfin Dianala.
Matud ni Ho nga dili biopic ni Gen. Peralta ang “Freedom Fighters,” sanglit muhisgot kini sa hinabuhi sa mga Amerikano ug Pinoy nga nag-antos sa jungle community nga gitawag ug Hopevale (Valley of Hope).
Apil sa Hollywood shortlist silang Mark Wahlberg, Jim Caviezel, Gary Sinise, Naomi Scott ug Gal Gadot.
