LA CASTELLANA – ‘Center of attraction’ karon sa banwa sang La Castellana ang isa ka manok nga may yara sang tatlo ka tiil.
Didto sa Sitio Manyameng, Brgy. Sag-ang, La Castellana, may isa ka 45-days old nga manok nga nagabug-at sang kapin 6 tubtub 7 ka kilo ang may pinasahe nga kinaiya, ini ang may tatlo ka tiil.
Ginpahayag sang tag-iya nga si Francisco Dizon, alias Buknoy, isa ka traysikol driver, ang iya manok naga edad pa gid lamang sang apat ka bulan.
Suno kay Dizon, sadtong una, wala pa nila natalupangdan ang pagtubo sang ikatatlo nga tiil sang iya manok, kon diin sang pagdaku na lamang sini amo pa ang ila pagka-tukib diri.
Pahayag pa sang tag-iya, wala labot nga pinasahe na nga daan ang tatlo ka tiil sang iya manok, may pinasahe pa gid ini nga pamatasan.
Ila na-notice nga kon wala sang tawo nga nagalantaw, gina gamit sang manok ang iya gid tatlo ka tiil sa paglakat.
Apang, kon ini siya ang malapit na sa mga tawo, ginatago sang manok ukon iya gina-bend ang ikatatlo niya nga tiil agud indi makita./ Photo by Franklin Toledo
