Priso sa Jaro Police Station ang manugbalgya isda sa Jaro Small Market matapos ginbuno ang naglampus sa iya sang barateha nga isa man ka fish vendor kaina sang hapon nga padayon man nga ginabulong sa ospital.
Ginkilala ang suspek nga si Edcel Ledesma, 43 anyos samtang ang biktima amo si Wilfredo Parcia, 47, lunsay manugbaligya isda sa nasambit nga merkado.
Ginpahayag sa report nga nagalakat ang suspek nga si Ledesma alas 2 pasado kaina sang hapon agud magpauli sang hinali na lamang nga ginlampusan ini sang barateha sa likod sang biktima nga si Parcia.
Bangud sini, ginkuha ni Ledesma ang iya bag-o bakal nga kutsilyo kag ginbuno si Parcia nga nakaagum sang pilas sa butkon, ttil kag hita.
natigayon naman nga madakpan sang mga pulis si Ledesma kag ginpriso samtang gindala naman sa West Visayas State University Medical Center si Parcia. (sspunay)
