General Santos City–Posibleng mag-atubang ug kasong kalapasan sa Sexual Harassment, Unjust Vexation ug pagsupak sa Bastos Law ang usa ka 22 anyos nga estudyante nga si Alias John nga nanimuyo sa Barangay San Isidro, human nga gibastos ug gihagad matud pa niini ug pakighilawas ang usa ka estudyante sa usa ka koleheyo ning syudad nga si Alyas Mary, 20 anyos nga nanimuyo usab sa barangay San Isidro.
Sumala pa nga nagpatala sa Police Station 6 ang biktima nga si Alyas Mary human nga makapila na matud pa nga higayon nga ginabastos kini sa nasangpit nga suspect sulod sa ilahang campus.
Una matud pa nga nahitabo niadtong Marso 3 kung asa samtang nagalakaw ang biktima kauban ang iyahang mga higala sulod sa maong tulunghaan giharang matud pa kini sa suspect ug giduol ang iyahang nawong ngadto ngadto sa biktima ug mibuhi ug maot nga pulong.
Human matud pa ang pipila ka adlaw subling nagsugat ang nahisgutang biktima ug ang suspect sa hagdanan sa maong tulunghaan alas 10:00 ang takna sa buntag kung asa didto na gihagad ug pakighilawas sa nahisgutan ang biktima gani mikanayon pa kini nga iyang dad-on ang biktima sa lodging house.
Una matud pa siyang gipangutana kung aduna na kini uyan ug mikanayon kung mamahimo siyang mapanguyaban dungan sa paghagad kaniya nga moadto sa lodging house.
Tungod sa kahadlok nag dali-dali ug hawa ang dalaga palayo sa suspect apan gisundan matud pa kini sa nasampit ug padayong nag-esturya kabahin na sa pakighilawas.
Sa kasamtangan nagpaabot pa ang Police Station 6 kung magpadayon ba ang nahisgutang sa pag pasang-at ug kaso sa nahisgutan.(Dave Silagan)
