General Santos City—Mibalik na sa ilahang mga lugar sa Marawi City ang pipila ka mga bakwit nga ania sa GenSan temporaryong nagpuyo tungod sa nahitabong kagubot nga mugna sa mga Maute Terror group.
Kini ang gikumperma sa City Social Welfare and Development Office (CSWDO) sa RMN Gensan.
Matud pa sa CSWDO Gensan nga kining mga kumpermasyon ang nakuha nila subay na usab sa mga nahimong pamahayag sa pipila nila ka mga kabanay dinhi sa syudad nga hinay hinay ng nanguli ang ilahang mga paryente ngadto sa Marawi tungod sa pagtuong pwede na silang mubalik sa pagpuyo sa maong lugar.
Kahibaluan nga subay sa report sa CSWDO anaa sa kapin usa ka libu ka mga bakwit kaniadto ang mihikling og midangop dinhi sa Gensan og sa pagkakaron ang anaa na lamang sa 788 ka mga pamilya nga gikan sa Marawi ang nahibilin sa GenSan.
Sa pagkakaron padayon usab nga ginamonitor sa DSWDO ang mga nahibiling mga bakwit sa matag Barangay sa Gensan. (Emir Bariquit)
