General Santos City—Nangayo ug pasaylo ang pamunuan sa Marbel Cable gumikan sa nahitabo nga aberya sa ilang pay per view niadtong milabay nga adlaw sa Lagao Gymnasium atol sa panagsangka ni Pambansang Kamao, Manny Pacquiao batok kang Adrien Browner.
Sumala ni Atty. Pacifico Yanson ang legal council sa Marbel Cable nga aminado sila nga aduna silay kakulangon sa nahitabo nga aberya sa Free Viewing unta sa laban ni Pacquiao ug ilang nasabtan ang ka-dismaya ni Mayor Ronnel Rivera.
Gibutyag pa ni Atty. Yamson nga aduna gyo’y technician nga gi-assign ang Marbel Cable sa Lagao Gym apan nahibulong sila ngano wala mi-adto.
Tungod sa nahitabong aberya sa pay per view dili na maningil ang Marbel Cable sa city government gumikan sa palpak nilang serbisyo.
Andam usab sila nga maghatag ug eksplenasyon ngadto sa city government gumikan sa maong insidenti. (Dave Silagan)
