Davao City – Gitino ni Davao City Mayor Sara Duterte-Carpio nga ‘exempted’ sa curfew ang mga nagapaninda kun vendors sa palengke, ilang suppliers, ug mga nagapangompra nga adunay negosyong restaurant o carinderia.
Matud sa Alkalde nga lakip usab nga ‘exempted’ ang mga cargo sa agricultural ug non-agricultural products sama sa mga nagabiyahe og gulay o hayop kun kadtong nagabiyahe og produkto nga bulto kun dinaghan.
Kinahanglan lang nga magbaton ang maong mga indibidwal og mga dokumento sama sa business permit alang sa inspection diha sa checkpoints areas.
“Kung ikaw mangomprahay ka, ang imo lang business permit (ang ipakita), because ga-conduct man ka’g negosyo so we expect nga ‘duna kay business permit. Same pud kung ikaw operating a restaurant or a karenderya,” segun sa Alkalde.
Gitataw ni Duterte-Carpio nga kinahanglan nga sundon gihapon sa mga regular nga nagapamalengke ang 7pm-5am nga curfew hours.
RadyoMaN Kirby Manzon
