General Sntos City—gihingusgan ni Malungon Mayor Atty. Maria Theresa Constantino nga dili pa angayang bakwion ni Pangulong Rodrigo Duterte ang Martial Law sa Minadanao luyo paman sa kamatayon sa duha ka tag-as nga lider sa mga teroristang grupo nga silang Abu Sayaff Group Leader Isnilon Hapilon ug Maute Terror Group leader Omar Maute ug pagdeklara ni pangulong Duterte nga luwas na ang Marawi City.
Sumala ni Mayor Constantino nga dili pa angayang mukumpyansa ang mga tinugyanan sa balaod gumikan adunay mga posibilidad sa resbak sa mga kaalyadong grupo sa Maute.
Angayang panid-an una ug maayo sa Militar ug kapulisan kung nahurot na ba gyud ug pulbos ang Maute Isis Group.
Nalipay usab ni Mayor Constantino human sa kamatayon sa duha ka mga tag-as nga lider sa mga terorista tugod mahatagan na gyud ug hustisya ang kamatayon sa daghang mga sundalo ug sibilyan didto sa Marawi City human sa kapin lima ka bulan nga bakbakan sa maong lugar.
Samtang giangkon sa batan-ong mayor nga dako gyud ang natabang sa pag deklara sa Martial law sa Mindanao sa pag ubos sa kriminalidad butang nga gipasalamatan niini.
Atol sa gihimong Peace and Order Council Meeting sa lungsod sa Malungon ning bag-uhay lang migawas sa datus sa Malungon Municipal Police Station nga miubos pag ayo ang ihap sa kriminalidad sa maong lungsod.
