General Santos City— anaa pa sa kabukirang bahin sa Sarangani Province ang mga suspetsadong misunog sa Delivery Truck nga iyaha sa KCC Mall of Gensan sa may Barangay Tuyan, Malapatan, Sarangani Province niadtong Lunes sa buntag.
Sumala ni Police Chief Inspector Theng Bacal, ang hepe sa Malapatan Municipal Police Station nga basi sa ilang gipahigayong manhunt operation uban ang tropa sa 73rd Infantry Battalion, anaa pa sa kabukiran nga sakop sa Sarangani ang lima ka mga suspetsadong responsabli sa krimen.
Sa karon nagpadayon pa ang ginahimo nilang paggukod sa mga nahisgutan, samtang padayon pa usab nilang gina-ila kinsa ang lider sa maong grupo. Una nang nagpailang miyembro sa New Peopleās Army ang mga suspek ngadto sa mga pahenante sa dihang ilang gisunod ang maong truck.
Kahinumduman nga samtang nag parking atubangan sa usa ka tindahan sa Barangay Tuyan ang Truck kalit miabot ang mga suspek nga armado dayon gibubuan ug gasolina ang truck dayon gidubduban ayha nisibat padulong sa nabukid nga bahin sa maong lugar.
