Tungod sa Martial Law nahitabo ang paglapas sa tawhanong katungod, pagpamatay sa mga lider nga mag-uuma ug uban pa.
Kini ang gibutyag ni Ebaresto Forten, ang Chairman sa Landless Inhabitant of MOs1 kon LIMOS sa Bukidnon sa interview sa dxCC-RMN karong buntag.
Matud ni Forten nga sila nga mga mag-uuma ang naapektuhan sa martial law tungod kay sila kasagaran ang masanginlan nga supporters sa New peoples Army kon NPA.
Tungod niini gipanghimakak ni Forten ang maong alegasyon tungod kay galisod pa gani sila nga makakaon.
Kini ang hinungdan nga gikan sa Bukidnon mianhi sila diri sa Cagayan de Oro aron nga maghimo og lihok protesta ug mapaabot ngadto sa gobyerno ang ilang concern ilabina ang pagkondinar sa trabaho sa militar ug pagpaundang sa martial law.
